Manchester Unitedi ka kontaktuar me Leicester Cityn për mundësinë e shitjes së mbrojtësit Harry Maguire, raporton Sky Sports.
Me afrimin e mbylljes së afatit kalimtar, Jose Mourinho do të jetë në një betejë me “Dhelprat” që nuk dëshirojnë shitjen e shtatlartit që shkëlqeu me Anglinë në Botëror.
Sky Sports raporton se Unitedi e vlerëson anglezin me një çmim prej 65 milionë funteve.
Maguire kthehet nga pushimi brenda pak ditësh dhe raportohet se dëshiron transferimin në Old Trafford.
Leicesteri e bleu Maguiren sezonin e kaluar nga Hull City për 17 milionë funte.
