Manchester Unitedi dhe Evertoni i janë bashkuar garës për transferimin e sulmuesit polak të Napolit, Arkadiusz Milik, raporton “Daily Express”.
Për Milikun është duke u interesuar edhe Tottenhami. Tottenhami është parë si favorit për transferimin e Milikut, por në garë janë futur tash edhe Unitedi e Evertoni. Për Milikun kishte treguar interesim më herët Roma.
Milik është duke refuzuar ta firmosë kontratën e re me Napolin. Kontrata e tij është e vlefshme deri në verën e vitit të ardhshëm.
