Union Berlini ka shënuar fitoren e pestë rresht, pavarësisht se ishte shumë e mundimshme dhe u ngrit në pozitën e parë në tabelë.
Skuadra nga Berlini shënoi fitore 2:1 ndaj Mainzit të shtunën, në ndeshjen e xhiros së 19-të të Bundesligës.
Kevin Behrens në minutën e 32-të shënoi për 1:0, kurse Marcus Ingvartsen barazoi rezultatin në 1:1, në minutën e 78-të.
Golin e fitores vendësit e realizuan gjashtë minuta para se të mbyllej i gjithë takimi.
Jordan Siebatcheu ishte shënues i golit që e mban Union Berlinin sipër në tabelë.
Pas 19 xhirove, Union Berlini ka 39 pikë në vendin e parë, dy pikë më shumë se Bayerni që ka një ndeshje më pak.
Mainzi në vendin e 12-të ka 23 pikë.
Brajan Gruda hyri në lojë në minutën e 89-të të ndeshjes.
Për Grudën ishte ndeshja e dytë në Bundesligë.
Kishte debutuar në fund të ndeshjes kundër Dortmundit më 25 janar të këtij viti.