UEFA është duke i finalizuar planet me Portugalinë për të qenë nikoqire e finales angleze të Ligës së Kampionëve ndërmjet Chelseat dhe Manchester Cityt.
Kapaciteti i 50 mijë ulëseve në “Estadio do Dragao” në Porto, pritet të jetë stadiumi për finalen e 29-të majit.
Bisedimet me qeverinë britanike u ndalën të hënën, edhe pse ishte në opsion përdorimi i stadiumit “Wembley”.
UEFA nuk ka qenë në gjendje të sigurojë përjashtimet e karantinës që kërkohen për media dhe të ftuar për të udhëtuar në Londër për kulmin e kësaj gare, pavarësisht se bisedimet e qeverisë kishin për qëllim ta sillnin ndeshjen në “Wembley”.
Përderisa do të ishte ideale për mijëra tifozë anglezë që skuadrat të luajnë në vendin e tyre, Portugalia është shteti tjetër i fundit nga 12-të gjithsej, që hynë në “listën e gjelbër” të Anglisë me rrezikshmërinë e ulët. Njerëzve nuk do t’u kërkohet karantinimi pas rikthimit në vend, që nga e hëna e ardhshme.
Portugalia po ashtu do ta heqë bllokimin e turistëve nga Britania për të lejuar tifozët të vijnë në vend, dhe garanton që UEFA mund të sigurojë hyrje për personelin e kërkuar.
Zhvillimi i lojës me tifozë dhe sponsorë të ftuar është vendimtare për UEFA-n pasi finalja e kaluar e zhvilluar në Lisbonë e e fituar nga Bayern Munichu, nuk pati tifozë. Turqia është futur nga Anglia në “listën e kuqe”.