Kryesia e klubit Trepça ’89 është e pakënaqur me ndarje të drejtësisë nga gjyqtari Genc Nuza. Në reagimin e skuadrës nga Mitrovica të publikuar të dielën në faqen zyrtare në Facebook, është paraqitur një video me dy raste nga ndeshja me Besën, që sipas tyre kanë qenë penallti.
“Nuk i dimë arsyet e këtyre pazarllëqeve që po bëhen në dëm të KF Trepçës ‘89. Kujt po i pengon që KF Trepça ‘89 të jetë pjesë e Superligës së Kosovës në futboll. I drejtohemi organeve kompetente që të merren më seriozisht dhe të kenë një qasje më serioze në këtë drejtim. Jo rastësisht në shtatë ndeshje ku referohen nga Nuza i kemi katër humbje dy barazime dhe një fitore. Gabimet nga ndeshja e djeshme ndikuan direkt në rezultat e ku me këtë barazim rrezikohemi në vazhdimësi të kampionatit”, thuhet në reagimin e 89-shit.
