Trajneri i Tottenhamit, Ange Postecoglou, ka mbetur i mahnitur me Guglielmo Vicarion, i cili është transferuar nga Empoli para disa javësh.
Portieri 26-vjeçar nënshkroi për Spursin kontratë pesëvjeçare.
Tottenhami shpenzoi 19 milionë euro për të.
Vicario pritet të jetë portier i parë i Tottenhamit, në vend të Hugo Llorisit që po e mendon kthimin në Francë.
“Është e rrugës të thuhet se Vicario është përshtatur shumë mirë me grupin. Ai është njeri i mirë dhe portier i jashtëzakonshëm. Për momentin kam shumë besim në të”, ka thënë trajneri i ri i Tottenhamit.
Vicario shkëlqeu tek Empoli në edicionin e kaluar, duke e mbajtur portën e paprekur në shtatë ndeshje nga 31 sa i zhvilloi në Serie A.
Artikuj të ngjashëm