Presidenti i Kosovës, Hashim Thaçi, ka arritur në Pyeongchang të Koresë së Jugut, aty ku po zhvillohet ceremonia e hapjes së Lojërave Olimpike Dimërore.
Me ftesë të Presidentit të Komitetit Olimpik Ndërkombëtar, Thomas Bach, presidenti Thaçi po merr pjesë në hapjen zyrtare të Lojërave Olimpike Dimërore.
Gjatë pjesëmarrjes në Lojërat Olimpike, presidenti Thaçi do të vizitojë fshatin olimpik, ku është i vendosur ekipi olimpik i Kosovës, duke i dhënë mbështetje skitarit Albin Tahirit, i cili përfaqëson shtetin tonë në këtë olimpiadë.
Presidenti Thaçi do të zhvillojë takime edhe me përfaqësues të lartë të shteteve pjesëmarrëse në këtë olimpiadë.
Artikuj të ngjashëm