Derisa kryeqendra e Japonisë, Tokio, është futur në 500 ditëshin e fundit para fillimit të Lojërave Olimpike Verore, janë disa pjesëmarrës të Lojërave Olimpike të të Rinjve që po pritet të lënë gjurmë në sportet e tyre. Disa prej tyre u parashikohet edhe të trashëgojnë legjendat e sporteve përkatëse.
Takeru Kitazono (Japoni) - gjimnastikë
Pritjet në mesin e tifozëve do të jenë të larta nëse gjimnasti 16-vjeçar nga Osaka, Takeri Kitazono, kualifikohet për “Tokio 2020”.
Kitazono fitoi pesë të arta në Lojërat Olimpike të të Rinjve vitin e kaluar në Buenos Aires, fitoi në disiplinën e përgjithshme, në dysheme, në unaza, paralele dhe shufër horizontale, shkruan “Olympic.org”, transmeton “Koha Ditore”. Në atë ngjarje ai u bë gjimnasti i parë në historinë e Lojërave Olimpike të të Rinjve që fitoi pesë tituj dhe japonezi i parë që fitoi pesë tituj individualë në një sport në çfarëdo edicioni të Lojërave Olimpike.
Ndërkohë u bë edhe gjimnasti i parë që siguroi pesë të arta qëkur këtë e arriti Vitaly Scherbo me Skuadrën e Unifikuar (ish-Bashkimin Sovjetik) në Lojërat Olimpike Verore “Barcelona 1992”.
Edhe
Yjet që siguruan vendin e parë për SHBA-në
Eduarda Santos Lisboa (Brazil) - volejboll në rërë
Më shpesh e njohur si “Duda”, Eduarda Santos Lisboa, 21-vjeçare, është yll i ri në volejbollin në rërë dhe është ngritur në pozitën e dytë në renditjen botërore të femrave së bashku me bashkëlojtaren Agatha Bednarczuk, që është 14 vjet më e vjetër dhe ka fituar të argjendtën në Lojërat Olimpike në Rio në vitin 2016.
Duda ka fituar të artën në Lojërat e të Rinjve në Nanjing më 2014 dhe nga viti 2013 deri më 2017 ajo fitoi tre tituj të botës për U-19 dhe dy për U-21. Në gusht të vitit 2018, dyshja siguroi fitoren më të madhe në karrierën e Duda's si seniore, duke fituar World Tour Finals në Hamburg të Gjermanisë.
Noah Lyles (SHBA) - atletikë
Atleti amerikan ka dalë si trashëgimtar potencial i xhamajkanit Usain Bolt në fronin olimpik. Ka pesë vjet që Lyles fitoi të artën në 200 metra në Lojërat Olimpike të të Rinjve në Nanjing dhe ai po bëhet më i shpejtë me çdo stinor të kaluar.
Edhe
Botsuana në festë gjysmëditore për të artën në 200 metra
Fitoi titullin e botës për U-20 në 100 metra sprint në vitin 2016, ndërsa në verën e vitit 2018 vendosi rekorde personale duke fituar 100 metërshin në kampionatin e SHBA-së me 9.88 sekonda. Në Diamond Leaguen në Monaco vrapoi 200-metërshin për 19.65 sekonda.
(Artikullin e plotë mund ta lexoni sot në “Koha Ditore”)
