Tenistja ukrainase Elina Svitolina ka eliminuar kampionen në fuqi Caroline Wozniacki të enjten dhe ka siguruar vendin në gjysmëfinale të turneut WTA Finalas.
Svitolina ka triumfuar me 2:1 në sete (5:7, 7:5 dhe 6:3) për të kaluar në gjysmëfinale.
Wozniackit, kampiones së WTA Finals të vitit të kaluar, i duhej një fitore me 2:0 në sete për të arritur në gjysmëfinale.
Svitolina i është bashkuar çekes Karolina Pliskova si dy tenistet që kanë kaluar në gjysmëfinale nga Grupi i Bardhë.
Të premten mësohen dy gjysmëfinalistet tjera nga Grupi i Kuq. Turneu përfundimtar i vitit WTA Finals është duke u mbajtur në Singapor.
