Sulmuesi i krahut, Suso, pritet të largohet nga skuadra e Milanit gjatë afatit kalimtar të janarit.
Tabloidi anglez "The Sun" ka raportuar të enjten se ekipet nga Premier League, West Ham United e Wolverhampton, tashmë kanë bërë oferta për shërbimet e tij. Mësohet se të dyja skuadrat kanë ofruar dëmshpërblim deri në 45 milionë euro për kartonin e spanjollit.
25-vjeçari këtë edicion nuk ka bindur me paraqitjet e tij te Milani dhe pritet të largohet nga "San Siro".
Ai ka vetëm një asistim në tetë paraqitje në Serie A. Suso është pjesë e Milanit prej vitit 2015 dhe ka kontratë deri në vitin 2022. Ka edhe pesë ndeshje me Përfaqësuesen e Spanjës.
