Një ribashkim tjetër i madh do të bëhet tek Inter Miami.
Luis Suarez, 36-vjeçar, pritet të luajë sërish me Lionel Messin te klubi i ligës MLS në Shtetet e Bashkuara të Amerikës.
Suarez do të transferohet tek Inter Miami nga Gremio si futbollist i lirë.
Uruguaiani Suarez dhe argjentinasi Messi, luajtën te Barcelona prej vitit 2014 deri në vitin 2020.
Kanë fituar kampionatin dhe Kupën e Spanjës katër herë, ndërsa kanë triumfuar bashkë në Ligën e Kampionëve një herë.
Sergio Busquetsi dhe Jordi Alba janë dy ish-lojtarët tjerë të Barcelonës që luajnë për Inter Miamin.
