Mesfushori holandez po kërkohet nga Juventusi.
Kevin Strootman është plotësisht i përqendruar te sezoni i ri me Romën dhe nuk i interesojnë fare spekulimet e medieve për një largim të tij të mundshëm nga kryeqyteti.
Gjatë këtij afati kalimtar emri i holandezit është përmendur për një transferim të mundshëm te Juventusi, por vetë 27-vjeçari sqaron se asnjëherë nuk ka biseduar me drejtuesit e ‘Zonjës së Vjetër’, transmeton kp.
“Unë jam i lumtur këtu, sezoni i ri fillon javën tjetër dhe mezi pres që të jem në fushë me fanellën e Romës”, ka thënë ai.
“Nuk kam pasur bisedime me asnjë klub tjetër, pasi që unë e dua vetëm këtë skuadër”, shtoi ai.
Strootman, po ashtu, theksoi se objektivi i tij është të fitojë çdo ndeshje me Romën.
Artikuj të ngjashëm