Skënderbeu nis sot aventurën e tij në fazën e grupeve të Europa League me ndeshjen ndaj Dinamos së Kievit, që do të luhet në orën 19:00 në kryeqytetin ukrainas.
Skënderbeu e zhvilloi edhe seancën e fundit stërvitore dhe sipas trajnerit Ilir Daja, gjendja është shumë e mirë. Mungesa e vetme e Skënderbeut është ajo e Nimagës, i cili është i pezulluar për shkak të ndëshkimit me karton të kuq të marrë në sfidën me Dinamon e Zagrebit. Trajneri Daja në konferencën për shtyp në prag të ndeshjes deklaroi se Dinamo e Kievit, ashtu sikurse edhe skuadrat e tjera të grupit B, është shumë i fortë, por skuadra e tij do të kërkojë të japë maksimumin gjatë gjithë kësaj faze, duke qenë se tashmë ajo ka fituar përvojë në arenën evropiane.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoNdërsa te Dinamo e Kievit, trajneri Oleksander Khatsevich tha se skuadra e tij duhet të respektojë të gjithë kundërshtarët në grup dhe se futbollistët e tij duhet të tregojnë aftësitë në fushën e lojës. Përsa i përket Skënderbeut, Khatsevich tha se e ka studiuar lojën e korçarëve duke u bazuar te ndeshjet që ata luajtën me Dinamon e Zagrebit dhe atë në kampionat. Në lidhje me gjendjen e skuadrës, duket se dyshimet ishin vetëm per Tomas Kedziora, i cili është prekur nga një virus. Khatsevich tha se futbollisti po kurohet në Varshavë dhe se gjendja e tij po përmirësohet.
Sfida mes Dinamos së Kievit dhe Skënderbeut do të luhet në stadiumin Olimpiskij. Ai që do të gjykojë këtë ndeshje do të jetë belgu Bart Vertenten, i ndihmuar nga anësorët Vanizere dhe Nijsen.