Kemal Ademi dhe Samir Ramizi ia kanë siguruar fitoren skuadrës së Xamaxit në udhëtim, në kuadër të 1/16 së finales së Kupës së Zvicrës, kundër Aaraut.
Ndeshja e zhvilluar të dielën përfundoi me rezultatin 2:1 në të mirë të Xamaxit. Ademi e shënoi golin e epërsisë në minutën e dhjetë, kurse u zëvendësua në fund të takimit, derisa Ramizi ishte i pazëvendësueshëm dhe shënoi në minutën e 43-të, shkruan sot “Koha Ditore”.
Ndërkohë Shpend Matoshi shënoi autogol në humbjen e ekipit të tij, Muri në shtëpi nga St. Galleni me rezultatin e thellë 7:0.
Benjamin Kololli ishte i pazëvendësueshëm te Zuerichu dhe kontribuoi me gol në fitoren 4:2 në udhëtim ndaj Breiterainit. Ai golin e shënoi në minutën e 23-të. Adrian Nikçi (97') ka shënuar gol në humbjen 3:2 të Schaffhausenit nga Young Boysi pas vazhdimeve.
Nikçi në këtë ndeshje u inkuadrua prej minutës së 81-të. Argjent Gashi i ka siguruar fitoren Red Star Zuerichut me golin e vetëm të shënuar në minutën e 16-të ndaj Chamit. Albian Ajeti ka kontribuar me dy gola në fitoren 7:2 të Baselit ndaj Echallensit. Ai luajti gjatë tërë ndeshjes, kurse golat i realizoi në minutat 52 e 53... (më gjerësisht lexoni sot në “Koha Ditore”)
