Shtatë lojtarë të Manchester Cityt kanë zënë vend në ekipin më të mirë të edicionit 2022/2023 në Ligën e Kampionëve.
Përzgjedhjen e ka bërë paneli i ekspertëve të UEFA-s. Lojtarë të Interit dhe Real Madridit po ashtu kanë bërë vend në ekipin më të mirë.
Portieri më i mirë është zgjedhur Thibaut Courtois i Real Madridit. Në mbrojtje në ekipin më të mirë janë Kyle Walker e Ruben Dias të Manchester Cityt si dhe Alessandro Bastoni e Federico Dimarco të Interit. Mesfusha përbëhet plotësisht nga lojtarë të Cityt: John Stone,Kevin De Bruyne dhe Rodri.
Në sulm krahas Erling Haalandit dhe Bernardo Silvas të Cityt është përzgjedhur edhe Vinicius Junior i Real Madridit.