Rio de Janeiro, 11 korrik (AP) – Brazili i ka besuar mbrojtjes, madje më shumë se Neymarit, për ta mbrojtur titullin në Copa America. Ishte një lëvizje që dështoi.
Fitorja e Argjentinës 1:0 në “Maracana” të shtunën tregoi se aftësia e mbrojtjes së “Selecaos” nuk është aq e fort sa lojtarët dhe trajneri kanë thënë. Tani, trajneri Tite do të duhet të mendojë për disa alternative dhe kishte premtuar ta përdorë Kupën e Amerikës si test para Kupës së Botës në Katar.
Goli i vetëm i Argjentinës u shënua në minutën e 22-t pasi Rodrigo de Paul bëri pasim të gjatë për Angel di Marian. Ky i dyti shënoi në portën e Edersonit.
Brazili pësoi vetëm dy gola në këtë turne para finales. Por Di Maria e dinte se Lodi me shumë gjasë do të binte nga loja.
“Para lojës i kam thënë De Paulit se krahu i majtë bie në gjumë gjatë markimit”, tha sulmuesi argjentinas pas ndeshjes. Në atë pozitë më së shpeshti ka luajtur titullar Alex Sandro, i cili është duke u shëruar nga lëndimi.
Edhe
Brazili dhe Argjentina duken sërish si pretendues të Botërorit
Por nuk ishte vetëm Lodi që ka bërë gabime në mbrojtjen e Brazilit kundër Argjentinës. Veterani Thiago Silva dhe mesfushori Casemiro, dy prej lojtarëve më të rregullt në ekip, i dhanë disa mundësi shënimi Argjentinës në pjesën e dytë.
Silva e pranoi se Brazili ishte nën nivelin e duhur në ndeshjen që shënoi dështimin e parë të “Selecaos” në Kupën e Amerikës në tokën e vet. I fitoi të gjitha pesë edicionet tjera.
“Në minutat e para të ndeshjes nuk ishte ekipi i Brazilit që është zakonisht. Kur pranon gol në një ndeshje të tillë është vështirë të kthehesh”, theksoi ai. “Në pjesën e dytë ishim vetëm ne që dëshironim të luanim, ndërsa kundërshtarët mendonin vetëm për zvarritjen e ndeshjes. Por ne nuk mund të përdorim justifikime, nuk mundëm ta luanim lojën tonë në pjesën e parë”.
Selektori i Brazilit, Tite, e përgëzoi Argjentinën për titullin, por po ashtu ka thënë se humbja në shtëpi ka ardhur sepse Argjentina nuk dëshironte të jetë në rrjedhë të lojës.
“Ne donim të luanim por u pa shumë lojë kundër futbollit. Ndërhyrje të palejuara gjatë gjithë kohës, duheshin vite për ta rifilluar ndeshjen”, ka theksuar Tite. “Nuk kishte shpejtësi. Kjo ishte strategjia e tyre. Argjentina është shumë mirë e vendosur në mbrojtje, ka portier të shkëlqyer, kualitet në katër mbrojtës e me zëvendësime të mira. Ka merita”.
Mbrojtësi i krahut të djathtë, Danilo, dhe mesfushori Fred, të dy titullarë në “Maracana”, nuk kanë bërë gabime të rënda në finale, por as nuk e kanë përkrahur Brazilin në sulm. Neymari ishte i izoluar për pjesën më të madhe të ndeshjes.
Edhe
Destinacioni i njëjtë, por Brazili e Argjentina kanë qasje të ndryshme në Botëror
Brazili u përmirësua në pjesën e dytë, rrezikoi që ta pësonte edhe golin e dytë në kundërsulm pasi Fred u zëvendësua nga Roberto Firmino. Lucas Paqueta, lojtar më shumë kreativ, lëvizi në pozitën e Fredit. Kjo i dha Brazilit posedimin e topit, por jo shumë mundësi shënimi.
Messi u bllokua mirë për pjesën më të madhe të ballafaqimit. E vetmja mundësi i erdhi në minutën e 88-të, kur Brazili ishte në prag të dëshpërimit, por Edersoni e bllokoi gjuajtjen e tij.
