Xherdan Shaqiri nuk është duke u ngutur që të largohet nga Stoke City. Ylli shqiptar ka thënë se do të largohet nga ky klub vetëm nëse bindet që do të jetë më mirë te një klub më i madh.
Reprezentuesi i Zvicrës iu bashkua Stoket në vitin 2015 nga Interi dhe që atëherë ka luajtur rol të madh në klubin anglez.
25-vjeçari përmendet vazhdimisht në afatin e transferimeve, por thotë se një largim nga Stoke nuk është prioritet i tij.
“Kam kontratë me Stoken deri në vitin 2020. Nëse dua të largohem nga Stoke, duhet të jetë një hap i madh për mua dhe të jetë gjithçka në rregull”, ka thënë Shaqiri për “Blick”, transmeton Koha.net.