Xherdan Shaqiri do të rikthehet në stërvitje me skuadrën e Lyonit.
Sulmuesi i krahut nuk ishte në stërvitje në ditët e fundit, pasi ka qenë i izoluar shkaku i infektimit me koronavirus.
Sipas “L'Equipe”, Shaqiri do të jetë i gatshëm për ndeshjen e së dielës. Lyoni e luan derbin ndaj Paris Saint-Germainit.
Përveç Shaqirit, te skuadra e Lyonit për këtë takim do të kthehen edhe Lucas Paqueta dhe Thiago Mendes.
Shaqiri këtë edicion ka bërë vetëm tetë paraqitje në ligën franceze duke shënuar një gol. Forma e tij nuk ishte ajo që pritej dhe tashmë ka raportime për largimin e tij nga skuadra franceze.
Artikuj të ngjashëm