Trajneri Maurizio Sarri edhe zyrtarisht ka arritur marrëveshje me Lazion për të mbetur në krye të klubit deri në verën e vitit 2025.
Mediumet italiane kanë njoftuar të martën se Sarri është pajtuar me kushtet e ofruara nga klubi kryeqytetas pas takimit që ka pasur me presidentin Claudio Lotito.
Po ashtu, para se të pranojë rinovimin e kontratës, Sarri ka kërkuar nga krerët e Lazios që të bëjnë investime në klub, në mënyrë që të jetë në gjendje të luftojë për trofe.
Sarri e mori drejtimin e Lazios para fillimit të këtij edicioni dhe pati firmosur kontratë deri në vitin 2024.
