Skuadra e Salernitanas që u rikthye këtë edicion në Serie A mund të përjashtohet nga elita e futbollit italian.
Mediumet në Itali kanë raportuar se arsyeja e përjashtimit të Salernitanas është se ende nuk ka asnjë ofertë për blerjen e klubit. Aktualisht, njeriu që qëndron prapa klubit është presidenti i Lazios, Claudio Lotito, i cili formalisht e ka nën pronësi Salernitanan.
Mirëpo, në Itali nuk lejohet që një person t’i ketë nën pronësi dy klube në Serie A dhe Lotito është i detyruar ta shesë Salernitanan.
Nëse nuk gjendet një blerës deri më 31 dhjetor, atëherë Salernitana do të përjashtohet nga elita e futbollit italian. Aktualisht, Salernitana zë vendin e fundit në Serie A, me vetëm tetë pikë të mbledhura pas 17 ndeshjeve të zhvilluara.
