Napoli synon edhe një hap drejt titullit
Napoli do të mundohet të kthehet me rezultat pozitiv në elitën e futbollit të Italisë, pas eliminimit befasues në Kupë.
Napoli të shtunën luan në udhëtim te Salernitana, në ndeshjen që nis në orën 18:00, e që i takon xhiros së 19-të të Serie A.
Napoli është lider me 47 pikë dhe tashmë është shkëputur nga ndjekësit. Milani i vendit të dytë i ka 38 pikë.
Salernitana në fundjavën e kaluar u turpërua nga Atalanta. 8:2, ndërsa tani ka seri prej gjashtë ndeshjeve pa fitore.
Salernitana zë pozitën e 16-të me 18 pikë. Ka nëntë pikë më shumë se skuadrat e zonës që dërgon një rang më poshtë.
Lazio – Milan vlerësohet njëra prej ndeshjeve derbi në futbollin italian këtë fundjavë.
Kjo ndeshje luhet të martën prej orës 20:45 dhe e mbyll xhiron e 19-të.
Milani u turpërua nga Interi në mesjavë në finalen e Superkupës së Italisë, por ndaj Lazios synon fitore. Te skuadra nga Roma nuk do të luajë sulmuesi i rrezikshëm, Ciro Immobile, që është i lënduar.
Interi luan të hënën ndaj Empolit, në orën 20:45, pas angazhimit që e pati në Superkupën e Italisë, që u zhvillua në Arabinë Saudite.
Juventusi luan të dielën nga ora 20:45, kundër Atalantas në superformë.