Mbrojtësi anësor anglez Danny Rose nuk do të largohet nga Tottenhami së paku deri në afatin kalimtar të janarit, bën të ditur “Goal.com” të enjten.
Reprezentuesi i Anglisë është duke u kërkuar nga disa skuadra evropiane, mirëpo Tottenhami nuk mendon ta shes atë në afatin e verës.
Mbrojtësi i majtë do të qëndrojë së paku derisa të hapet afati kalimtar i janarit, transmeton “Koha Ditore”. Rose 29-vjeçar te Tottenhami gjendet që nga vera e vitit 2007 kur u transferua nga Leeds Unitedi.
Stinorin e kaluar ai luajti 35 ndeshje në të gjitha garat, ndërsa pati pesë asistime. Me Anglinë i ka zhvilluar 27 ndeshje.
Kontrata e Roset me Tottenhamin skadon në verën e vitit 2021.
