Portugalia ka gjasa të mëdha që në ndeshjen e fundit të Grupit H, të jetë pa yllin e saj, sulmuesin Cristiano Ronaldo. E përzgjedhësi i Portugalisë, Fernando Santos të enjten ka pranuar se Ronaldo mund të mungojë ndaj Koresë së Jugut.
Dueli mes Portugalisë dhe Koresë së Jugut, luhet të premten dhe i takon Grupit H.
Portugalia tashmë ka siguruar kalimin në 1/8 e finales, ndërsa Ronaldo ka munguar në dy stërvitjet e fundit.
37-vjeçari është stërvitur i vetëm në palestër.
“Mendoj se gjasat janë 50 me 50 që Ronaldo të jetë i pranishëm në këtë ndeshje. Do të shohim deri para ndeshjes dhe pastaj do të marrim një vendim të përbashkët”, është shprehur Santos.
