Mesfushori kosovar Elvis Rexhbeçaj ka luajtur gjatë gjithë takimit tek Augsburgu që pësoi disfatë nga Koelni me rezultatin 3:1.
Augsburgu ishte vendas në ndeshjen e javës së 27-të të Bundesligës gjermane. Kjo ndeshje u zhvillua të shtunën.
Në këtë takim për shkak të lëndimit, Augsburgut i mungoi sulmuesi Mërgim Berisha.
Koelni shënoi dy gola të shpejtë. Elyes Skhiri shënoi në minutën e 7-të, ndërsa për 2:0 në minutën e 16-të realizoi Erik Martel. Ruben Vargas shënoi më pas për Augsburgun, ndërsa Linton Maina në minutën e 59-të shënoi golin e tretë.
Augsburgu ka 29 pikë, kurse Koelni 31.