Janë disa rekorde që Lionel Messi e Kylian Mbappe mund t’i arrijnë në finalen që fillon në ora 16:00.
FIFA ka paraqitur disa prej tyre:
Messi do ta bëjë paraqitjen e 26-të në Kupën e Botës, nëse luan ndaj Francës. Ai do të bëhet rekordmen për paraqitje. Aktualisht e ndan rekordin me Lothar Matthaeusin, ikonën gjermane. Të dy i kanë nga 25 paraqitje.
Mbappe, që shënoi golin e fundit të Francës në finalen e fituar ndaj Kroacisë në Kupën e Botës 2018, mund të bëhet vetëm lojtari i pestë që shënon gol në më shumë se një finale të Kupës së Botës. Vava, Pele, Paul Breitner dhe Zinedine Zidane janë të vetmit që e kanë arritur këtë.
Nëse Argjentina fiton pas 90 minutave apo në vazhdime, Messi do të barazoi rekordin e Miroslav Kloses për më së shumti fitore në Kupën e Botës (17).
Mbappe mund të bëhet lojtari i parë që shënon dy gola me goditje jashtë zonës në finale të Kupës së Botës
Edhe
Mbappe thotë se Messi do t’i shënojë gol Spanjës
Messi mund të bëhet lojtari i parë që fiton më shumë se një herë Topin e Artë të Botërorit. Ai e ka arritur këtë në Brazili 2014.
Nëse Mbappe dhe Messi realizojnë, do të jetë hera e parë që dy kundërshtarë nga i njëjti ekip shënojnë në finale të Kupës së Botës. Hera e fundit që dy bashkëlojtarë në nivel klubesh shënuan në finale të Botërorit ishte në vitin 1974. Dyshja e Bayernit, Paul Breitner dhe Gerd Mueller shënuan për Gjermaninë Perëndimore.
