Skuadra e Real Madridit mund ta transferojë sulmuesin e Tottenhamit, anglezin Harry Kane.
Mediumet spanjolle kanë raportuar të enjten se Realit i është ofruar Kane nga agjenti i tij, pasi sulmuesi po dëshiron të largohet nga Tottenhami në fund të këtij sezoni.
Te Reali, po e shohin Kanen si përforcim të madh për sezonin tjetër dhe po shqyrtojnë mundësinë e transferimit të tij. Kane ishte pranë largimit nga Tottenami para fillimit të këtij edicioni, por nuk u lejua të transferohet te Manchester City.
Sulmuesi 28-vjeçar ka kontratë me Tottenhamin deri në vitin 2024 kurse këtë sezon ka shënuar tetë gola në 20 paraqitje në të gjitha garat.
