Real Madridi ka mbetur për një periudhë të gjatë pa mesfushorin Aurelien Tchouchameni, ka bërë të ditur “Marca” të hënën.
Klubi spanjoll ka konfirmuar lëndimin e francezit, duke bërë të ditur se ai është i detyruar të pauzojë të paktën për dy muaj.
Tchouameni ka lënduar këmbën në fitoren e Real Madridit ndaj Barcelonës me rezultatin 2:1 dhe tashmë ka nisur me fazën e rehabilitimit. Ai luajti gjatë tërë ndeshjes ndaj Barcelonës, ndërsa lëndimi i tij është konfirmuar më vonë.
23-vjeçari këtë edicion ka qenë titullar i padiskutueshëm te Reali dhe mungesa e tij pritet të mbulohet nga kroati Luka Modriq. Tchouameni, në 14 ndeshje të luajtura deri më tani, ka shënuar 1 gol për Realin, ekip të cilit iu bashkua vitin e shkuar nga Monaco.
