Milot Rashica i ka nisur përgatitjet me skuadrën e Werder Bremenit, pas dështimit që të transferohet te ndonjë klub tjetër.
Werderi ka bërë të ditur se 24-vjeçari është kthyer në stërvitje me ekipin, por nuk është bërë e ditur se a do të jetë i gatshëm për ndeshjen e fundjavës kundër Freiburgut që luhet të shtunën.
Rashica ishte lënduar me Kosovën në duelin e 4 shtatorit ndaj Moldavisë.
Futbollisti nga Vushtrria ishte afër largimit nga Werderi, por që nuk ia doli pasi klubi gjerman nuk e shiti për shkak të ofertave të ulëta.
Pas kësaj, atij i është dhënë një javë pushim, për të marrë veten pas dështimit të transferimit te ndonjë klub tjetër.
Rashica nuk u ftua nga Kosova për ndeshjet e tetorit, siç u tha për shkak të lëndimit.
