Sulmuesi Marcus Rashford nuk do të largohet nga Manchester Unitedi këtë verë, ka bërë të ditur ESPN të premten.
Tek Unitedi llogaritin në Rashfordin, të cilit po dëshirojnë t’ia rinovojë kontratën që i skadon vitin e ardhshëm.
Është trajneri Erik ten Hag që po e sheh 24-vjeçarin si të rëndësishëm për ekipin e tij në këtë sezon.
Interesim për shërbimet e tij, kishin shfaqur Paris Saint-Germaini e Newcastle Unitedi, por ofertat e tyre janë refuzuar nga Unitedi.
Rashford është pjesë e ekipit të parë të Unitedit prej vitit 2016 dhe sezonin e shkuar realizoi pesë gola.
