Pasi ka udhëhequr Besa Famgasin drejt shumë titujve të kampionit të Kosovës në hendboll, Egzon Gjuka ka vendosur të ndërroi mjedis. Dhe reprezentuesi i Kosovës, ka zgjedhur Rahovecin. Gjuka në dy vjetët e kaluar u shpall hendbollisti më i mirë në Kosovë.
Tani shërbimet e tij i ka vënë në dispozicion të Rahovecit. Me angazhimin e Gjukës, Rahoveci shndërrohet në pretendent të madh për titull të kampionit. Rahoveci ka disa vjet që po shquhet për organizim dhe për korrektësi. Tani drejtuesit e klubit kanë vendosur për hapin para.
“Kemi kënaqësinë t’u njoftojmë se Egzon Gjuka nga sot është pjesë e KH Rahovecit”, ka njoftuar Rahoveci. Për kryetrajner, Rahoveci zgjodhi Verim Zherkën, pas ndarjes me Leonard Culën.
