Paris Saint-Germaini ka pësuar humbjen e tretë këtë edicion në Ligue 1. Ishte skuadra e Nices që e mposhti PSG-n 1:0, në xhiron e 27-të, në duelin e luajtur të shtunën mbrëma.
Golin e vetëm në këtë takim e realizoi Andy Delort në minutën e 88-të.
Përkundër humbjes, Parisi mbetet lider në Francë me 63 pikë të mbledhura, ndërsa Nice zë vendin e dytë me 49 sosh.
Parisienët në këtë takim u paraqitën pa golashënuesin kryesor, Kylian Mbappen. Në vend të tij luajti Angel Di Maria, të cilin në pjesën e dytë e zëvendësoi Mauro Icardi, por që ekipi i Mauricio Pochettinos nuk arriti ta shmangë humbjen nga Nice.
