Sulmuesi i Holandës, Quincy Promes, pritet të akuzohet për tentim vrasje sipas mediumeve holandeze pasi ai e qëlloi me thikë në gju kushëririn e tij gjatë një feste.
“De Telegraaf” ka shkruar të enjten se këto akuza drejt 28-vjeçarit Promes vijnë pas incidentit që ndodhi në Abcoude, afër Amsterdamit, në muajin korrik.
I afërmi i Promesit ka pësuar dëmtime të rënda në gju pas përleshjes dhe ai e ka paraqitur në polici këtë rast muajin e kaluar, raporton gazeta holandeze.
Promes aktualisht është pjesë e klubit të Spartakut të Moskës në Rusi, pasi iu bashkua nga Ajaxi para sezonit 2021/2022.
