Sulmuesi Sadam Sulley, mbrojtësit Josip Tomasheviq dhe Aleksandar Ristevski, dhe sulmuesi Agim Zeka nuk do të jenë më pjesë e skuadrës së Prishtinës.
Lajmi është bërë i ditur të mërkurën gjatë ditës në faqen zyrtare të klubit kryeqytetas.
25-vjeçari Sulley iu bashkua Prishtinës në janar të këtij viti nga sllovakët e Senicas, ndërsa luajti në 16-të ndeshje në të gjitha garat dhe realizoi shtatë gola.
Tomasheviq iu bashkua “bardhekaltërve” në muajin shkurt nga Cibalia e Kroacisë në Ligën e Dytë. 28-vjeçari luajti në 12-të ndeshje.
Ristevski erdhi te Prishtina në shkurt të këtij viti, mirëpo nuk arriti që t'i tregojë vlerat e tij më të mira.
Zeka erdhi te Prishtina në janar të këtij viti ndërkohë që me Prishtinën është paraqitur në 13 ndeshje në të gjitha garat me ç'rast e ka shënuar edhe një gol.
