Trajneri i Chelseat, Graham Potter, e ka vlerësuar lartë Mason Mountin dhe e ka quajtur atë profesionist, pas lajmeve se mesfushori mund të transferohet te Bayern Munichu.
Bayerni së fundmi e emëroi trajner ish-udhëheqësin e Chelseat, Thomas Tuchelin.
Tuchel është adhurues i madh i lojtarit anglez, ndërsa “blutë” për shërbimet e tij kanë kërkuar 70 milionë funte.
Mount 24-vjeçar, ka qenë titullar vetëm një herë te Chelsea në tetë ndeshjet e fundit, ndërsa nuk ka shënuar asnjë gol në vitin 2023.
“Ka qenë e vështirë për të. Ai ka reaguar vërtetë si profesionist”, ka thënë Potter, shkruan “BBC” të premten.
Mount ka realizuar 33 gola në 192 ndeshje për Chelsean.
19 prej tyre kanë ardhur në 86 ndeshje kur në krye të skuadrës londineze ishte Tuchel, i cili ishte shkarkuar nga skuadra më herët gjatë këtij sezoni.
