Përfaqësuesja e Portugalisë e ka fituar kampionatin botëror në futsall. Të dielën në finalen e luajtur në “Kaunas Arena” në Lituani e mposhti Argjentinën me rezultatin 2:1.
Dy golat për portugezët i shënoi Pany. Të parin në minutën e 15-të, ndërsa të dytin në minutën e 28-të. Për Argjentinën realizoi Claudino.
Është titulli i parë për Portugalinë, ndërsa më i suksesshmi është Brazili me pesë tituj.
