Paul Pogba ende nuk ka luajtur për Juventusin këtë edicion dhe francezi ka pak kohë që ta bindë përzgjedhësin Didier Deschamps që ta përfshijë në listë për Kupën e Botës në Katar.
29-vjeçari u kthye te Juventusi nga Manchester Unitedi si futbollist i lirë, ndërsa nënshkroi kontratë katërvjeçare.
Por, ai ka ende telashe me gju.
“Calciomercato” pati shkruar se Pogba i është kthyer stërvitjeve me gjithë shokët e skuadrës në javën e kaluar, por ende nuk është në formën më të mirë fizike.
Deschampsi do ta bëjë publike listën e skuadrës për Botëror më 9 nëntor.
Pogba nuk ka luajtur ndeshje zyrtare që prej 19 prillit, ndërsa ndeshja e tij e fundit e plotë ishte më 12 mars.