Trajneri Stefano Pioli do të mbetet në krye të skuadrës së Milanit edhe pas përfundimit të edicionit aktual.
Në fakt, Piolit do t’i besohet posti i trajnerit edhe për edicionin e ardhshëm, ka njoftuar të premten e përditshmja italiane “Gazzetta dello Sport”.
Mësohet se krerët e Milanit kanë besim të plotë në Piolin, të cilit i kanë dhënë mbështetje për ta vazhduar punën e tij me ekipin.
Tekniku 58-vjeçar është në krye të Milanit prej dhjetorit të vitit 2019 dhe ka kontratë deri në qershorin e vitit të ardhshëm.
Nën drejtimin e Piolit, Milani jo vetëm që është rikthyer në Ligën e Kampionëve, por e ka fituar edhe titullin e kampionit të Italisë.
Artikuj të ngjashëm