Qendërmbrojtësi i Portos, Pepe, mund të dënohet nga dy muaj deri në dy vjet për “sjellje të dhunshme”. Ai u largua me karton të kuq të premten e kaluar në ndeshjen derbi ndaj Sporting Lisbonës.
Pepe bëri veprim josportiv duke shkelmuar drejtorin e Sportingut, Hugo Viana.
Mediumi portugez “A Bola” ka raportuar se në rregulloren disiplinore të Federatës portugeze parashikohet dënim nga dy muaj deri në dy vjet.
Vlerësohet një shkelje shumë e rëndë sulmi ndaj drejtuesve ose anëtarëve të stafit të ekipeve rivale.
E në rast se, Federata portugeze dënon Pepen, paraqitja ndaj Sportingut mund të jetë edhe e fundit në karrierë. Ai më 26 shkurt mbush 39 vjet.
