Qendra Arbër Berisha është kthyer në Kosovë për të luajtur te KB Peja.
Berisha te Peja është transferuar nga skuadra elitare e Turqisë, Gaziantep.
Lajmin për transferimin e Berishës e ka konfirmuar trajneri i Pejës, Jeronimo Sharin, të hënën.
Berisha (203 cm) do të jetë ndihmë e madhe për Pejën këtë edicion, si në Superligën e Kosovës ashtu edhe në Ligën Ballkanike.
“Arbër Berisha është përforcimi më i ri i ekipit tonë. Ai vjen nga Gaziantepi dhe do të jetë një përforcim i rëndësishëm për ne”, është shprehur Sharin.
22-vjeçari ka qenë pjesë e Pejës te gjeneratat e reja, por para disa vjetësh ishte transferuar në Turqi, ku ka luajtur edhe me gjeneratat e reja të këtij shteti.
Ai këtë edicion ka vetëm një paraqitje në Superligën e Turqisë.
Artikuj të ngjashëm