Derbi i zjarrtë i Tiranës ka pasur përfundim dramatik, dhe në fund fitues ka dalë kampioni në fuqi i Shqipërisë, Partizani.
Partizani të enjten mbrëma në “Air Albania” fitoi përballë Tiranës me rezultatin 2:1.
Ishte ndeshje e mbetur e xhiros së gjashtë e elitës së futbollit shqiptar.
Ky ballafaqim ishte dashur të zhvillohej më 26 shtator, por u vendos të luhej më 19 tetor me kërkesë të të dyja klubeve, në mënyrë që tifozët e tyre të ishin në numër sa më të madh në stadium.
Atmosfera ishte e zjarrtë, ndërsa golat u shënuan krejt në fundin e ndeshjes.
Edhe
Derbi Tirana – Partizani mbyllet baras
Senegalezi 20-vjeçar, Gueye Maguette, i dha epërsinë kampionit në fuqi, në minutën e 78-të.
Por, Florent Hasani i Tiranës shënoi golin e barazimit në minutën e 90-të. Futbollisti i Kosovës ndali një top në zonë dhe me gjuajtje të saktë vendosi barazpeshë në rezultat. Për të ishte goli i pestë në edicionin aktual.
Megjithatë, në aksionin e radhës, Partizani shënoi në portën e Tiranës sërish.
Albers Keko me gjuajtje të saktë me të majtën, realizoi për rezultatin final të takimit, 2:1. Ndodhi kjo në minutën e dytë të kohës shtesë.
Edhe
Derbi i Tiranës nuk jep fitues
Partizani pas shtatë ndeshjeve të luajtura ka 14 pikë në vendin e dytë, dy më pak se Egnatia lidere.
Tirana në pozitën e katërt mbetet me 13 pikë në tetë ndeshje të luajtura.
