Numri i biletave të shitura për ndeshjen që Kosova e luan kundër Qipros në stadiumin “Fadil Vokrri” nuk është i madh.
Deri më tani, janë shitur më pak se 7 mijë bileta për këtë ndeshje, ka mësuar KOHA të hënën.
Dueli mes Kosovës e Qipros, zhvillohet të martën prej orës 20:45 në stadiumin “Fadil Vokrri” në Prishtinë.
Kjo ndeshje është e fundit për Kosovën në kuadër të edicionit të tretë të Ligës së Kombeve dhe i takon Grupit 2 të Ligës B.
Aktualisht, Kosova ka gjashtë pikë të tubuara pas pesë ndeshjeve të luajtura, një më shumë se Qipro.
Artikuj të ngjashëm
