Duke ndjekur gjurmët e Joseph-Antoine Bell, Thomas Nkono e Jacques Songo'o, Përfaqësuesja e Kamerunit ia ka besuar portën Andre Onanas në Kupën e Afrikës, portier që shpërtheu edicionin e fundit në Evropë.
Gjëja e jashtëzakonshme për portierin Onana është se edicioni i tij që filloi vitin e shkuar në raundin e dytë të kualifikimeve për Ligën e Kampionëve nuk ka përfunduar ende, shkruan AFP, transmeton “Koha Ditore”. Ai do të jetë pjesë e Kamerunit në Kupën e Afrikës që ka nisur ditë më parë.
Edhe pse Onana është i dërrmuar, insiston se ka përjetuar diçka të jashtëzakonshme gjatë kësaj periudhe - një aventurë epike evropiane përgjatë të cilës Ajaxi arriti deri në gjysmëfinale të Ligës së Kampionëve, duke eliminuar ekipe si Real Madridi e Juventusi.
Në fund, Onana kampionatin në Holandë e mbylli me titull dhe kupë, por kjo nuk është e mjaftueshme për të. 23-vjeçari pas sukseseve me Ajaxin po kërkon edhe titullin e kampionit të Kupës së Afrikës. Ai po shpreson që më 19 korrik ta ngritë trofeun e këtij turneu të rëndësishëm kontinental.
“Synimi ynë është që ta mbrojmë këtë trofe. E kam parasysh se nuk do të jetë e lehtë, pasi të gjitha ekipet janë të forta, por unë besoj në ekipin tonë. Pres që edicionin e gjatë dhe të suksesshëm që nisi vitin e shkuar ta mbylli muajin e ardhshëm me këtë trofe”, ka thënë Onana.
Edhe
Dy ndeshje për portierin Onana brenda 24 orëve
Kameruni bën pjesë në Grupin F, të cilin e përbëjnë edhe Gana, Benini e Guinea-Bissau. Në ndeshjen e parë, ka shënuar fitore ndaj Guinea-Bissaut, kurse ndeshjen e dytë e luan të shtunën (sot) kundër Ganës.
(Artikullin e plotë mund ta lexoni sot në “Koha Ditore”)
