Norwichi ka shënuar fitore në kuadër të xhiros së pestë të rangut të dytë të futbollit anglez, “Championship”.
Norwichi të premten mbrëma fitoi në shtëpi ndaj Millwallit me rezultatin 2:0, me dy gola të amerikanit Joshua Sargent në pjesën e dytë, në minutën e 50-të dhe të 75-të.
Futbollisti i Kosovës, Milot Rashica, ishte në bankën rezervë, por nuk u inkuadrua në lojë. Norwichi pas pesë ndeshjeve ka grumbulluar shtatë pikë dhe është në pozitën e pestë. Shtatë pikë i ka edhe Millwalli dy pozita më poshtë.
