Driton Kuka është trajneri më i mirë i vitit në botë në sportin e xhudos.
Është Federata Ndërkombëtare e Xhudos që e ka shpallur Kukën më të mirin, sipas një votimi të hapur në faqen e saj zyrtare. Kjo është mirënjohja më e madhe që i bëhet trajnerit pejan.
Nxënësit e Kukës këtë vit kanë fituar dy medalje të arta olimpike, pastaj medalje botërore e plot evropiane. Medalje të shumta janë fituar në garat Masters, Grand Slam e Grand Prix, ndërsa sukseset ishin kulmore edhe në kategori të reja.
Gara për trajnerin më të mirë të vitit në botë ishte shumë e fortë. Por Kuka është votuar më së shumti në sajtin zyrtar të IJF-së dhe është shpallur më i miri i vitit. Ceremonia “IJF Judo Awards” është mbajtur të shtunën mbrëma.
Artikuj të ngjashëm
-
Driton Kuka nominohet për trajnerin më të mirë në Evropë, pritet ta fitojë edhe këtë çmim prestigjioz
-
Kuka pasi fitoi çmimin e më të mirit: O sa mirë me qenë shqiptar
-
Kryemjeshtrit Kuka i ndahet çmimi kryesor i Akademisë Sportive të Malit të Zi
-
Driton Kuka i pakonkurrencë për “Punëtor Sportiv i Vitit 2024”
-
Tjetër vlerësim i madh i Unionit Evropian të Xhudos për trajnerin Driton Kuka