Newcastle Unitedi që është bërë me pronar arabë, ka nisur bisedimet me disa futbollistë, të cilët synon t’i ketë në skuadër.
“Foot Mercato”, shkruan se drejtuesit e klubit anglez janë në negociata me përfaqësuesit e sulmuesit të Real Betisit, Nabil Fekirit.
Francezi ka qenë i lidhur edhe më herët për një transferim te Newcastle. Po ashtu, edhe Liverpooli kishte shprehur interesim të madh për Fekirin, por në atë kohë Lyoni kishte refuzuar ofertën e klubit anglez.
28-vjeçari që ka shënuar dy gola në dhjetë ndeshje me Betisin këtë sezon, ka kontratë me klubin spanjoll deri në vitin 2023.
