Pasi dështoi në tentimin për ta transferuar Nicolo Barellan, Newcastle Unitedi ka kthyer sytë kah një mesfushor tjetër italian. Bëhet fjalë për Sandro Tonalin e skuadrës së Milanit, për të cilin tashmë ka bërë edhe ofertë zyrtare.
“The Athletic” shkruan të mërkurën se Newcastle i ka ofruar Milanit 50 milionë euro për transferimin e Tonalit këtë verë. 23-vjeçari po shihet si përforcim i duhur te Newcastle për mesfushën dhe ekipi anglez po shpreson t’i sigurojë shërbimet e tij.
Tonali ka kontratë me skuadrën italiane deri në vitin 2027, ndërsa te Milani u transferua në vitin 2020 nga Brescia. Edicionin e fundit, Tonali ka shënuar 2 gola dhe ka bërë 10 asistime në të gjitha garat.
