Armando Broja mund të përfshihet në marrëveshjen mes Napolit dhe Chelseat për Kalidou Koulibalyn.
Raportohet se në bisedimet për mbrojtësin senegalez, Napoli ka pyetur për mundësinë e transferimit të Brojës.
Mediat në Itali shkruajnë se presidenti i Napolit, Aurelio De Laurentiis është fans i madh i Brojës dhe ka folur me drejtuesit e Chelsea për sulmuesin shqiptar gjatë negociatave për shitjen e Koulibalyt për 40 milionë euro.
Broja vlerësohet rreth 35 milionë euro dhe do të ishte i shtrenjtë për kubin italian. Por Napoli synon që ta huazojë me mundësi të blerjes në fund të sezonit.
Bëhet e ditur se edhe Atalanta ka shfaqur interesim për Brojën.
Interesime të mëdha ka edhe në Angli. 20-vjeçari është me skuadrën e Chelseat në Shtetet e Bashkuara të Amerikës në turneun para-sezonal. Me Chelsean ka kontratë deri në vitin 2026.
