Edhe dy javë kanë mbetur deri në përfundim të afatit kalimtar të verës që është hapur zyrtarisht më 1 korrik. Dhe nga skuadra e Paderbornit, kategorisë së dytë të futbollit gjerman, tre lojtarë mund të largohen. Florent Muslija është në mesin e tyre.
Ka pasur spekulime të shumta në javët e fundit për largimin e futbollistit të Kosovës, por Paderborni ende nuk ka marrë ofertë zyrtare për të.
Dëshira e mesfushorit me tipare ofensive është që të luajë në një ligë elitare.
“Nuk dëshirojmë që të heqim dorë nga Florenti. Nëse ka ndonjë ofertë dhe çmim që nuk i përmbush kërkesat tona, nuk do ta shqyrtojmë ofertën”, ka thënë drejtori sportiv i Paderbornit, Benjamin Weber, për “Westfalen-Blatt” të mërkurën. 25-vjeçari iu bashkua Paderbornit nga Hannoveri në janar të vitit të kaluar.
Në edicionin e ri ka zhvilluar tri ndeshje, dy në Bundesliga 2 dhe një në Kupën e Gjermanisë. Në Kupë realizoi një gol e një asistim në fitoren 7:0 ndaj Energie Cottbusit.
