Muslija ia siguron Hannoverit një pikë

Reprezentuesi i Kosovës, Florent Muslija, ka realizuar gol të bukur me skuadrën e tij. Hannoveri të shtunën barazoi në udhëtim te Dusseldorfi me rezultatin 1:1 në kuadër të xhiros së 13-të të Bundesliga 2.

Muslija 23-vjeçar realizoi në minutën e dytë të kohës shtesë pas një gjuajtje të saktë nga distanca. Për të ishte goli i dytë sezonal në ligë dhe në Kupën e Gjermanisë.

Ai hyri në lojë si zëvendësues në minutën e 82-të. Katër minuta më vonë u inkuadrua edhe lojtari tjetër i Kosovës, Valmir Sulejmani.

Hannoveri pas 13 xhirove ka po aq pikë dhe është në pjesën e poshtme të tabelës.