Sulmuesi i Kosovës, Vedat Muriqi, ishte në bankën rezervë te Lazio që të enjten mbrëma barazoi në udhëtim te Marseille 2:2, në kuadër të xhiros së katërt në Ligën e Evropës.
Milik dhe Payet shënuan për Marseillen, ndërsa për Lazion shënues ishin Anderson dhe Immobile.
Te skuadra e Lazios titullar ishte portieri Thomas Strakosha dhe mbrojtësi i krahut, Elseid Hysaj. Që të dy e përfaqësojnë Shqipërinë.
Pas katër ndeshjeve, Lazio renditet në vendin e dytë në Grupin E me pesë pikë, tri më pak se lideri Galatasaray, dhe një më shumë se Marseille i vendit të tretë. Lokomotiva e Moskës është në vendin e fundit me dy pikë.
